Athugið að nauðsynlegt er að skila staðgreiðsluyfirliti með umsókninni. Yfirlitið má nálgast á skattur.is -> mín þjónustusíða -> persónuafsláttur -> laun og staðgreiðsla.
Skilmálar
Foreldri eða forráðamaður getur sótt um styrk vegna íþrótta- eða tómstundaiðkunar barns eða unglings undir 18 ára aldri. Markmið verkefnisins er að draga úr hættu á félagslegri einangrun og að börn og unglingar hætti í íþrótta- og tómstundastarfi vegna fjárhagserfiðleika heimilis. Sem dæmi um styrkhæf verkefni má nefna ferðalög vegna þátttöku í íþróttum, tómstundum og menningarstarfi, æfinga- eða skólagjöld vegna tómstundastarfs, keppnir og ferðir á vegum félagsmiðstöðva og klúbba auk búnaðar- og búningakaupa.
Athugið að spurningarnar í eyðublaðinu eiga við um forráðamann (umsækjanda) nema annað sé tekið fram.
Með því að senda umsókn samþykkir sendandi að stjórn Velferðarsjóðs Eyjafjarðarsvæðis haldi utan um, meðhöndli og varðveiti þær persónuupplýsingar sem hér eru gefnar, í þeim tilgangi að hægt sé að meta og sannreyna umsóknina. Umsækjandi getur hvenær sem er afturkallað framangreint samþykki sitt til vinnslu persónuupplýsinga. Slíka beiðni skal senda í gegnum heimasíðuna velferdey.is.
